ហេតុតែគេសំណាង! ហ៊ា ប៊យ ឲ្យពេទ្យពិនិត្យធ្មេញហើយមិនទាន់ទេ ស្រាប់តែ…(មានរូបភាពច្រើន)

ប្រិយមិត្តច្បាស់ជាបានស្គាល់ហើយ ក្មេងប្រុសដ៏មានសាច់ទ្រលុកទ្រលន់ និងគួរឲ្យខ្នាញ់នោះគឺ ក្មេងប្រុសម្នាក់ដែលមានឈ្មោះក្រៅហៅថា ហ៊ា ប៊យ ។ ក្នុងនោះ ហ៊ា ប៊យ ជាក្មេងប្រុសដែលមានអាយុទើបតែ២ខួប និង៧ខែប៉ុណ្ណោះ តែមានភាពឈ្លៀសវ័យ និងមានការតុបតែងខ្លួនយ៉ាងស្រស់សង្ហាជាពិសេសនោះគឺស្តាយ បែបហ៊ាៗ ម៉ាប់ៗតែម្តង។

ដោយឡែកថ្មីៗនេះ នៅសាលារបស់ ហ៊ា ប៊យ មានការបង្កើតនូវកម្មវិធីមួយស្តីពីការពិនិត្យសុខភាពមាត់ធ្មេញដោយឥតបង់ប្រាក់ដល់ក្មេងៗទាំងប្រុសទាំងស្រី ដែលក្នុងនោះរួមមាន ហ៊ា ប៊យ ប្រុសស្អាតរបស់យើងផងដែរ។ នៅក្នុងទិដ្ឋភាពនោះផងដែរ ហ៊ា ប៊យ ហាក់មានភាពឆ្លាតវ័យណាស់ ដោយឃើញថាពេលដែលពេទ្យកំពុងពិនិត្យធ្មេញ គឺ ហ៊ា ប៊យ មិនខ្លាច និងញញើតនឹងពេទ្យបន្តិចសោះ ដែលខុសពីក្មេងៗមួយចំនួនច្បាស់ជាយំមិនខាន។ ក្រៅពីនេះ បន្ទាប់ពីបានពិនិត្យសុខភាពមាត់ធ្មេញហើយមិនទាន់ចប់ស្រួលបួលផង ស្រាប់តែ ហ៊ា ប៊យ មានសំណាងបានថើបនារីដ៏ស្រស់ស្អាតសោភាម្នាក់ទៀត ដែលធ្វើឲ្យអ្នកគាំទ្រលាន់មាត់ និងសរសើរគ្រប់ៗគ្នាតែម្តងក្នុងពេលនោះ។

យ៉ាងណាមិញ តាមរយះហ្វេសប៊ុកផេករបស់ ហ៊ា ប៊យ ក៏បានបង្ហោះសារមួយដែលសរសេរលើកឡើងបន្ទាប់ពីពិនិត្យសុខភាពមាត់ធ្មេញហើយថា៖ «ពិនិត្យធ្មេញរួចហើយ តោះស្អែកគុយទាវស្ទឹងជ្រៅ»។ ក្នុងនោះ ក៏មានបណ្តាហ្វេនជាច្រើនរបស់ ហ៊ា ប៊យ បានចូលបញ្ជេញមតិថា៖ «ហ៊ាឆ្លាតនិងគួរឱ្យស្រឡាញ់។ ខ្ញុំស្រាប់តែលង់នឹងហ៊ាតែម្តង។ កូនហ្នឹងចេះម៉េះ! សំពះសមណាស់។» និងមួយចំនួនទៀតថា៖ «ស្អែកគុយទាវស្ទឹងជ្រៅដឹងតែអស់កន្លែងអង្គុយហេីយ អាយដលទៅ»៕ ចង់ជ្រាបច្បាស់សូមទស្សនារូបភាពដូចខាងក្រោម៖
(អត្ថបទដោយ៖ វឌ្ឍនា)

អ្នកនាង ខ្ញុង និងស្វាមី Live និយាយអារម្មណ៍រំភើប ដែលមានអ្នកជួយជ្រោមជ្រែងខ្លាំង ក្នុងមង្គលការខ្លួន…(មានវីឌីអូ)

ប្រិយមិត្តមួយចំនួន ច្បាស់ជាជ្រាបហើយថាកាលពីថ្មីៗនេះ នាង ខ្ញុង តារាកំប្លែងដ៏មានប្រជាប្រិយភាព និងលោក កៃដ បានដឹកដៃគ្នាចូលរោងការ ក្រោយពីសាងស្នេហ៍ និងយល់ចិត្តគ្នាអស់រយៈពេលជាច្រើនឆ្នាំ។យ៉ាងណាមិញ គ្រាន់តែរៀបការហើយបានប៉ុន្មានថ្ងៃភ្លាម នាង ខ្ញុង និងស្វាមីលោក កៃដ បានLive វីដេអូចេញពីផេកហ្វេសប៊ុកផ្លូវការរបស់ខ្លួន ដោយបាននិយាយរៀបរាប់អំពីអារម្មណ៍រំភើប ចំពោះអ្នកចូលរួម និងអ្នកជួយជ្រោមជ្រែង ក៏ដូចជាឧបត្ថម្ភដល់ពិធីមង្គលការរបស់អ្នកទាំងពីរ ឲ្យប្រព្រឹត្តទៅយ៉ាងរលូន និង

អធិកអធមផងដែរ។ម៉្យាងវិញ នាង ខ្ញុង និងស្វាមី ក៏បានបកស្រាយអំពីរឿងមហាជនយល់ច្រឡំថានាងជាមេម៉ាយ កូនពីរ ក៏ប៉ុន្តែការពិតអ្នកទាំងពីរមានកូនម្នាក់មួយរៀងៗខ្លួនរួចមកហើយ។ ហើយពួកគេក៏បានបកស្រាយ អំពីរឿងអូសបន្លាយថ្ងៃរៀបការ ក៏ដោយសារតែខ្វះថវិកា ហើយមកទល់ពេលនេះ ពិធីរៀបការនេះបានកើតឡើង ក៏ព្រោះតែមាន

ការជួយពីសំណាក់មិត្ត និងមនុស្សជុំវិញខ្លួនរបស់អ្នកទាំងពីរផងដែរ។ទោះជាយ៉ាងណាក្តី ផ្អែកតាមវីដេអូ Live ពីផេកនេះដែរ បានបង្ហាញថា អ្នកទាំងពីរមានចិត្តសប្បាយរីករាយ និងរំភើប ដោយពួកគេនិយាយទាំងទឹកមុខស្រស់ស្រាយខ្លាំងមែនទែន។ ម៉្យាងវិញទៀត អ្នកទាំងពីរថែមទាំងបង្ហើបថា មង្គលការរបស់ពួកគេមានអ្នកជូនជាចំណងដៃគ្រឿងពេជ្រ សំបុត្រយន្តហោះទៅក្រេបទឹកឃ្មុំ និងរបស់ប្រ៊េនៗជាច្រើនមុខថែមទៀតផង៕

ស្អាត់ណាស់!! អូន រ៉ាប៊ី លេងខ្លួនក្នុងឈុតបុរាណ ពិតជាសមជានារីខ្មែរណាស់…(មានរូបភាពច្រើន)

តារាចម្រៀងស្រីនិយមលេងខ្លួនបែបស៊ិចស៊ី កញ្ញារ៉ាប៊ី ហាក់ដូចជាមានសន្ទុះកាន់តែខ្លាំងឡើងនៅក្នុងវិស័យសិល្បៈ ស្របពេលដែលបទថ្មីៗជាច្រើនរបស់នាង សុទ្ធតែមានការចាប់អារម្មណ៍យ៉ាងខ្លាំងពីសំណាក់អ្នកគាំទ្រជាច្រើន គួរឲ្យសរសើរ។យ៉ាងណាមិញ បើនិយាយពីការតែងខ្លួនរបស់នាងវិញ ឃើញថាតារាស្រីរូបនេះ

និយមធ្វើការតែងខ្លួន បែបស៊ិចស៊ី សម្លៀកបំពាក់បែបស៊ីវិល័យប្លែកៗជានិច្ច គួរឲ្យចាប់អារម្មណ៍យ៉ាងខ្លាំង។តែពេលនេះរឹតតែប្លែកភ្នែកខ្លាំង ក្រោយតារាស្រីរូបនេះបានធ្វើការតុបតែងខ្លួនយ៉ាងស្រស់សោភា នៅក្នុងសម្លៀកបំពាក់បែបប្រពៃណីយ៉ាងសុភាព និងកម្របានឃើញតែម្តង ក៏ប៉ុន្តែឃើញថានាងពេលដែល

នាងគ្រងនូវឈុតទាំងនេះ រូបសម្រស់របស់តារាស្រីរូបនេះ ក៏កាន់តែលេចធ្លោប្លែកខ្លាំងឡើង។រាល់រូបភាពទាំងនេះ ឃើញថាតារាស្រីរូបនេះពិតជាប្លែក និងស្អាត បែបទន់ភ្លន់សាកសមជាស្រ្តីខ្មែរគួរឲ្យសរសើរតែម្តង ស្របពេលដែលនាងស្លៀកពាក់មិនថាសុភាព ស៊ិចស៊ី ឬសាមញ្ញបែបណាក៏នៅតែឃើញស្អាត៕

ទប់ទឹកភ្នែកមិនបាន!! ដើម្បីជីវភាពគ្រួសារ និងក្បាច់គុណខ្មែរ វង្ស ណយ ស៊ូស្រក់ឈាម ពេលប្រកួត ធ្វើឲ្យភរិយា…

ប្រិយមិត្តជាច្រើនប្រាកដជាបានស្គាល់ នូវកីឡាករខាងក្បាច់គុណប្រដាល់ លោកវង្ស ណយ ដែលបច្ចុប្បន្នលោកខិតខំប្រឹងប្រែងយ៉ាងខ្លាំង នៅក្នុងការជួយលើកស្ទួយនូវវិស័យនេះ ខំប្រឹងទោះជាអាជីពដែលត្រូវឲ្យលោកឈឺសាច់ ជារៀងរាល់ពេលប្រកួតយ៉ាងណាក្តី។ជាក់ស្តែង កាលពីពេលថ្មីៗនេះ លោកបានធ្វើការឡើងប្រកួតម្តងទៀត ក៏ប៉ុន្តែអ្វីដែលគួរឲ្យក្តុកក្តួលនោះគឺ ក្រោយចប់ការប្រកួតមុខមាត់របស់លោកត្រូវរបួស ហូរឈាមយ៉ាងខ្លាំង ដែលត្រូវការដេរជាច្រើន

ថ្នេរគួរឲ្យបារម្ភ។ តែទោះបីជាមានរបួសបែបណាក្តី លោកនៅតែខំប្រឹងបន្ត និងបានបង្ហាញអារម្មណ៍ពិត ធ្វើឲ្យមហាជនសរសើរដល់លោកគ្រប់គ្នា៖«ពូជជិនវង្ស កំសត់តែមិនងាប់ទេ(ព្រោះយើងជាម្ចាស់ក្បាច់គុណ)»។ក្រោយពីឃើញបែបនេះ ភរិយាជាទីស្រលាញ់ពិតជាទប់ចិត្តមិនបាន និងអាណិតដល់លោក

បានបញ្ចេញសារយ៉ាងក្តុកក្តួលបន្ថែមថា៖«អាណិតប្តីណាស់ ឈាមគ្រប់តំណក់ព្រោះតែជីវភាពគ្រួសារ ប្តីអើយបងហត់ពេកហើយ»។តាមរយៈសារទាំងនេះ បានធ្វើឲ្យអ្នកគាំទ្រជាច្រើនពិតជាកោតសរសើរដល់លោក ដែលស្រលាញ់គុណខ្មែរ ទោះបីជាពេលប្រកួតម្តងៗត្រូវបែកមុខមាត់ហូរឈាម ឈឺខ្លួនបែបណា ក៏លោកនៅតែតស៊ូដើម្បីជីវភាពគ្រួសារ ក៏ដូចជាថែរក្សាគុណខ្មែរផងដែរ៕

ជួយស៊ែរបន្ត! នៅខណៈនេះ កម្ពស់ទឹកសឹ្ទងពោធិ៍សាត់ និងក្រុងពោធិ៍សាត់មានកម្ពស់ និងកម្ពស់ប្រុងប្រយ័ត្ន ចំនួន…

ដោយយោងតាមផេកផ្លូវការរបស់ ក្រសួងធនធានទឹក និងឧតុនិយម (Ministry of Water Resources and Meteorology) បានបង្ហោះសារឲ្យបងប្អូនបានជ្រាបថា៖ «នៅថៃ្ងទី១១ ខែសីហា ឆ្នាំ២០១៩ ព្រឹក វេលាម៉ោង ១១:០០នាទី កម្ពស់ទឹកសឹ្ទងពោធិ៍សាត់ នៅស្រុកក្រវាញ មានកម្ពស់ ៣.៦១ម៉ែត្រ, កម្ពស់ប្រុងប្រយ័ត្ន ៦.០០ម៉ែត្រ និងក្រុងពោធិ៍សាត់មានកម្ពស់ ២.២៦ម៉ែត្រ, កម្ពស់ប្រុងប្រយ័ត្ន ៥.០០ម៉ែត្រ។»

គួរបញ្ជាក់ផងដែរថា ក្រុងព្រះសីហនុ ព្រឹកនេះមានភ្លៀងធ្លាក់ជាថ្មីម្តងទៀត(11.08.2019) ក្នងនោះតំបន់ទំនាបមួយចំនួននឹងមានការជន់លិច។ ចំណែកអង្គភាពអគ្គិសនីខេត្តព្រះសីហនុ ក៍ប្រកាសពីការផ្អាកចរន្តអគ្គិសនីតាមតំបន់ខ្លះដែលប្រឈមខ្លាំងដើម្បីការពារខ្លាចមានគ្រោះថ្នាក់។ ចំណែកតាមផ្លូវជាតិលេខ៤និង ផ្លូវជាតិលេខ៣ក្នុងភូមិសាស្ត្រខេត្តព្រះសីហនុ ចរាចរណ៍នៅមានធម្មតា សម្រាប់ព្រឹកថ្ងៃដដែលនេះ។

ទន្ទឹមនឹងនេះផងដែរ នៅថ្ងៃទី១១ ខែសីហា ឆ្នាំ២០១៩ វេលាម៉ោង ០៧:៥៥នាទីព្រឹក អគ្គិសនីខេត្តព្រះសីហនុ សូមធើ្វការផ្អាកការផ្គត់ផ្គង់ចរន្តអគ្គិសនីបណ្តោះអាសន្ននៅបន្ទប់ភ្លេីងមួយចំនួនស្ថិតនៅផ្នែកខ្លះនៃ សង្កាត់លេខ០១ សង្កាត់លេខ០២ សង្កាត់លេខ០៣ សង្កាត់លេខ០៤ ក្រុងព្រះសីហនុ ខេត្តព្រះសីហនុ។ ដោយសង្កេតឃេីញថាមានភ្លៀងខ្យល់ធ្លាក់ខ្លាំងនិងជំនន់ទឹកភ្លៀងកេីនឡេីងវិញដេីម្បីការពារសុវត្ថិភាពជូនប្រជាពលរដ្ឋជៀសវាងការឆ្លងចរន្តអគ្គិសនី។ក្រុមការងារបច្ចេកទេសនឹងធើ្វការភ្ជាប់ចរន្តជូនអតិថិជនឲ្យមានចរន្តប្រើប្រាស់ឡើងវិញពេលដែលជំនន់ទឹកភ្លៀងស្រកចុះ​៕

រំជួលចិត្តស្ទើរស្រក់ទឹកភ្នែក! ស្ត្រីមានផ្ទៃពោះម្នាក់ បានសំរាលកូននៅលេីរថយន្តឈ្នួលពេលបញ្ជូនមកដល់មន្ទីរពេទ្យ​ ពេលនេះស្ត្រីម្តាយ…(មានរូបភាព)

រំជួលចិត្តស្ទើរស្រក់ទឹកភ្នែក! ស្ត្រីមានផ្ទៃពោះម្នាក់ បានសំរាលកូននៅលេីរថយន្តឈ្នួលពេលបញ្ជូនមកដល់មន្ទីរពេទ្យ​។ ដោយយោងតាមហ្វេសប៊ុកផេករបស់មន្ទីរពេទ្យបង្អែកខេត្ត ១៦មករា ខេត្តព្រះវិហារបានបង្ហោះសារមួយដោយសរសេររៀបរាប់​និង លើកឡើងថា៖

«មន្ទីរពេទ្យបង្អែកខេត្ត​ ១៦មករា​ ខេត្តព្រះវិហារ៖ នៅព្រឹកថ្ងៃទី១០​ ខែសីហា ឆ្នាំ២០១៩​ វេលាម៉ោង១០​ និង២៥នាទីក្រុមគ្រូពេទ្យ​ឆ្មបបានជួយសង្គ្រោះស្ត្រីមានផ្ទៃពោះបានសំរាលកូននៅលេីរថយន្តឈ្នួលពេលបញ្ជូនមកដល់មន្ទីរពេទ្យ​។ បច្ចុប្បន្នស្ថានភាពស្រី្តជាម្តាយ​ និងទារកបានល្អប្រសេីរ។»

ទន្ទឹមនឹងនោះផងដែរ មានបងប្អូនប្រជាពលរដ្ឋជាច្រើនកើតមានក្តីអាណិតអាសូរផង និងត្រេកអរផងព្រោះតែម្តាយនិងកូនបានឆ្លងកាត់នូវឧបសគ្គបានសម្រេច ដូចនេះសូមកូនៗទាំងឡាយស្រឡាញ់ និងគោរពមាតាបិតាអោយបានច្រើនៗព្រោះលោកជាអ្នកមានគុណដែលបានឆ្លងកាត់ឧបសគ្គជាច្រើនដើម្បីយើង៕ ចង់ជ្រាបច្បាស់សូមទស្សនារូបភាពខាងក្រោម៖

មិនបង្អង់យូរ! ឯកឧត្តម គួច ចំរើន និង ភរិយា នាំយកអំណោយទៅឧបត្ថម្ភប្រជាពលរដ្ឋរងគ្រោះដោយជំនន់ទឹកភ្លៀងចំនួន​២០គ្រួសារ​ និងមានប្រសាសន៍ដ៏កក់ក្តៅថា…

ស្រុកព្រៃនប់-នៅព្រឹកថ្ងៃទី១១សីហា២០១៩នេះ ឯកឧត្តមគួច ចំរើនអភិបាលខេត្ត និងជាប្រធានសាខាកាកបាទក្រហមខេត្តព្រះសីហនុ បានដឹកនាំមន្ត្រីនិងសមាជិកស្មគ្រ័ចិត្តសាខាកាកបាទក្រហមខេត្តព្រះសីហនុ នាំយកអំណោយរបស់សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​ សែន​ ប្រធានកាកបាទក្រហមកម្ពុជា​ ទៅឧបត្ថម្ភប្រជាពលរដ្ឋរងគ្រោះដោយជំនន់ទឹកភ្លៀងចំនួន​២០គ្រួសារ​ នៅឃុំព្រៃនប់​ ស្រុកព្រៃនប់​ ខេត្តព្រះសីហនុ​។

ក្នុងឱកាសនោះផងដែរ ឯកឧត្តមគួច ចំរើនមានប្រសាសន៍បញ្ជាក់ថា ក្រៅពីពលរដ្ឋ២០គ្រួសារនេះ មន្ត្រីកាកបាទក្រហម នឹងបន្តចុះឧបត្ថម្ភជំនួយជូន ដល់ពលរដ្ឋដែលរងគ្រោះដោយជំនន់ទឹកភ្លៀងតាមមូលដ្ឋានផ្សេងទៀតក្នុងខេត្តជាបន្តបន្ទាប់។

គួរបញ្ជាក់ផងដែរថា ស្រុកព្រៃនប់-លោកវរសេនីយ៍ទោ ហួ យ៉ៃ អធិការនគបាលស្រុកព្រៃនប់ថ្លែងថា នៅព្រឹកថ្ងៃទី១១សីហា២០១៩នេះ លោកឧត្តមសេនីយ៍ទោជួន ណារិន្ទស្នងការនគរបាលខេត្តព្រះសីហនុ បានណែនាំបន្ថែមអោយកងនគរបាលស្រុកយករថយន្តសឺរ៉ែចំនួន២គ្រឿង សហការជាមួយរថយន្តកងរាជអាវុធហត្ថស្រុក១គ្រឿង ដឹកចម្លងពលរដ្ឋត្រង់កន្លែងទឹកលិចកាត់ផ្លូវជាតិលេខ៣ក្នុងឃុំវាលរេញ ដែលមិនទាន់ស្រកនៅឡើយ។ ក្រៅពីនេះ ក៍មានកម្លាំងកងទព័ជើងទឹក កម្លាំងកងទព័តំបន់សឹករងខេត្ត និងកម្លាំង អាជ្ញាធរខេត្ត ស្រុក ឃុំ ក៍បានចូលរួមប្រតិបត្តិការ ជួយសម្រួលគ្រប់កិច្ចការ តាមតំបន់ដែលកំពុងមានជំនន់ទឹលភ្លៀង ជាពិសេសនៅផ្លូវជាតិលេខ៣ ចំណុចស្ពានទី១ក្នុងឃុំវាលរេញ។

(មានវីដេអូ) រន្ធត់ណាស់!​ គ្រោះធម្មជាតិជំនន់ទឹកភ្លៀង ធ្វើអោយកាកសំណល់ និងមែកឈើធំៗហូរបុកខ្លាំង បណ្តាលឲ្យបាក់ស្ពានមនោរម្យប៉ើងតាមទឹកទៅហើយ

ដោយយោងតាមគណនីហ្វេសប៊ុកបងប្រុសម្នាក់បានបង្ហោះសារមួយដោយសរសេរថា៖ «11/08/2019 វេលាម៉ោង 07:30នាទី មានករណី គ្រោះធម្មជាតិ ជំនន់ទឹកភ្លៀង ធ្វើអោយកាកសំណល់ និងមែកឈើធំៗ ហូរបុកខ្លាំង បណ្តាលឲ្យបាក់ស្ពានមនោរម្យ នៅចំណុចភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង ។»

យ៉ាងណាមិញ កាលពីព្រឹកមិញនេះមានការបង្ហោះសារនិងស៊ែរចែករំលែកតៗគ្នាផងដែរតាមរយៈផេកដែលមានឈ្មោះថា បាត់ដំបង បានសរសេរបង្ហោះអោយដឹងដែរថា៖ «ទឹកស្ទឹងសង្កែ​នាព្រឹកថ្ងៃទី១១​ ខែសីហា​នេះមានកំពស់​ 12.85mដែលកំពស់ប្រកាស​អាសន្ន​ គឺ​ 13.75m.សូមបងប្អូនត្រៀម​ប្រុង​ប្រយ័ត្ន»។

គួរបញ្ជាក់ផងដែរថា ដោយយោងតាមផេកផ្លូវការរបស់ «ក្រសួងធនធានទឹក និងឧតុនិយម» បានបង្ហោះសារដោយសរសេររៀបរាប់​ និងលើកឡើងកាលពីម្សិលមិញថា៖ «នៅថៃ្ងទី១០ ខែសីហា ឆ្នាំ២០១៩ ដោយមានភ្លៀងពីល្ងាចខ្លាំងនៅប៉ែកខាងលើ ស្រុកសំឡូត ជាប់ព្រំដែនប្រទេសថៃ បណ្តាលឲ្យទឹកនៅចំណុចសំណង់ពហុបំណងសេកសកទឹកឡើងខ្លាំង យើងបានបើកទ្វារទឹកបន្ធូរស្ថានភាពទឹកធ្លាក់ចុះក្រោម។ ដូចនេះនៅវេលារសៀលទឹកនៅស្ទឹងសង្កែទីរួមខេត្តបាត់ដំបង កំពស់ទឹកនឹងឡើងខ្ពស់។»


សូមទស្សនាវីដេអូនៅខាងក្រោម៖

ក្តុកក្តួលឥតឧបមា! ម្ចាស់ផ្ទះមួយបានប្រកាសផ្តល់ការស្នាក់នៅ ហូបចុក និងព្យាបាលដល់អ្នករងគ្រោះដោយសារទឹកជំនន់ និងបាននិយាយពាក្យដ៏រំជួលចិត្តមួយថា…

បងប្អូនប្រជាពលរដ្ឋប្រាកដជាបានជ្រាបច្បាស់ហើយថា ប៉ុន្មានថ្ងៃមានការកើតឡើងនូវការលិចលង់ដោយសារទឹកជំនន់នៅក្នុងប្រទេសកម្ពុជានៅតាមតំបន់មួយចំនួនគឺប្រជាជនបានជន្លៀសខ្លួនពីទីតាំងលិចទឹករកទីសុវត្ថិភាព។ យ៉ាងណាមិញ ក្រុមគ្រួសារប្តីប្រពន្ធចិត្តធម៌មួយគូរបានប្រកាសតាមរយះបណ្តាញសង្គមហ្វេសប៊ុក(គណនីឈ្មោះថា Puthea Investt) ដោយសរសេរលើកឡើងថា៖

«បងប្អូនដែលរងគ្រោះដោយទឹកជំនន់ដែលស្ថិតនៅ​ ឃុំព្រៃឃ្មុំ​ និង​ ឃុំផ្សេងៗក្បែគ្នាក្នុងខេត្តកំពតដែលរងគ្រោះ​ អាចមកស្នាក់នៅ​,ផ្ញេីរម៉តូ,ឡាន,​ សត្វពាហនះផ្សេងៗ​ នៅផ្ទះរបស់ខ្ញុំបាន។កន្លែងអាចស្នាក់នៅបណ្តោះអាសន្នបាន​ ចន្លោះ​ ពី​ 20-50​ នាក់
ខ្ញុំនិងប្រពន្ធរងចាំស្វាគមន៍ដោយក្តីរីករាយ​ និង​ មានផ្តល់អាហារសំរ៉ន់ និង​ ថ្នាំពេទ្យ​ ដោយឥតគិតលុយ​ សំរាប់បងប្អូន។ទីតាំង​ ភូមិព្រៃឃ្មុំ​ ឃុំព្រៃឃ្មុំ​ ស្រុកទឹកឈូ​ ខេត្តកំពត​ ជិតខ្លោងទ្វាវត្តភ្នំស​ ទូរស័ព្ទ​ 070711011។អគុណ»

ទន្ទឹមនឹងទង្វើដ៏ប្រពៃនេះ បានធ្វើអោយបងប្អូនប្រជាពលរដ្ឋមានអារម្មណ៍ក្តុកក្តួលឥតឧបមា ដោយមានអ្នកខ្លះបានលើកឡើងថា៖ «នេះជាទឹកចិត្តល្អណាស់ សូមជូនពរក្រុមគ្រួសារមានសុខភាពនិង សំណាងល្អ គ្រប់ពេលវេលា។» ខ្លះទៀតថា «យើងចង់បានវប្បធម៍ចេះជួយបងប្អូនយើងដូចបងណាស់ 🙏🏻អរគុណចំពោះចិត្តសប្បុរស» ក្រៅពីនេះម្ចាស់គណនីដែលបានធ្វើការប្រកាសដូចខាងលើក៏បាននិយាយតបវិញថា «បាទអគុណច្រេីន​ ព្រោះខ្ញុំធ្លាប់ជួបរឿងលំបាកដូចនេះ​ ច្រេីនដង»៕ សូមទស្សនារូបភាពដូចខាងក្រោម៖

ជួយស៊ែរដំណឹងនេះផង! ទំនប់វារីអគ្គិសនីស្ទឹងតាតៃ ខេត្តកោះកុង នឹងធ្វើការបើកទ្វារទឹក នៅព្រឹកថ្ងៃនេះហើយ…(មានរូបភាព)

ដោយយោងតាមផេកហ្វេសប៊ុកផ្លូវការរបស់ មន្ទីររ៉ែ និងថាមពល ខេត្តកោះកុងបានបង្ហោះសារមួយនៅថ្ងៃទី១១ ខែកក្កដា ឆ្នាំ២០១៩នេះ ដោយសរសេរថា៖ «សេចក្តីជូនដំណឹង!​!​!​!​! វារីអគ្គិសនីតាតៃនឹងធ្វើការបើកទ្វារទឹក!​!​!»។ ក្នុងនោះសេចក្តីជូនដំណឹងនោះបានសរសេរថា៖ «មន្ទីររ៉ែ និងថាមពលខេត្តកោះកុង មានកិត្តិយស សូមជម្រាបជូនដំណឹង ដល់ សម្តេច ទ្រង់ ឯកឧត្តម លោកជំទាវ លោក-លោកស្រី និងសាធារណៈជនទាំងអស់ ជា ពិសេសបងប្អូនប្រជាពលរដ្ឋ ដែលមានទីលំនៅតាមដងព្រែកតាតៃ មេត្តាជ្រាបថា៖ ទំនប់វារីអគ្គិសនីស្ទឹងតាតៃ នឹងធ្វើការបើកទ្វារទឹក នៅព្រឹកថ្ងៃ អាទិត្យ១១កើត ខែ ស្រា ពណ៌ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១១ ខែ សីហា ឆ្នាំ ២០១៩ ។

សេចក្តីដូចបានគោរពជម្រាបជូនក្នុងខ្លឹមសារខាងលើនេះ សូមដល់សម្តេច ទ្រង់ ឯកឧត្តម លោកជំទាវ លោក-លោកស្រី និងសាធារណៈជនទាំងអស់ ជាពិសេស បងប្អូនប្រជាពលរដ្ឋ ដែលមានទីលំនៅតាមដងព្រែកតាតៃទាំងអស់ត្រូវត្រៀមការប្រឹង ប្រយ័ត្នខ្ពស់ ដើម្បីបញ្ចៀសនូវឧបទ្ទវហេតុផ្សេងៗ ដែលអាចកើតមានឡើងជាយថាហេតុ ។ អាស្រ័យហេតុនេះ សូម សម្តេច ទ្រង់ ឯកឧត្តម លោកជំទាវ លោក-លោកស្រី និងសាធារណៈជនទាំងអស់ មេត្តាជ្រាបជាពត៌មាន

គួររំលឹកដែរថា វារីអគ្គិសនីតាតៃ មានទីតំាងស្ថិតនៅក្នុងឃុំប្ញស្សីជ្រុំ និងឃុំតាតៃ ស្រុកថ្មបំាង ខេត្តកោះកុង មានកម្លាំងថាមពល២៤៦មេហ្កាវ៉ាត់​ ត្រូវបានសម្ពោធដាក់ឱ្យដំណើរការជាផ្លូវការ តាំងពីថ្ងៃទី២៣ ខែធ្នូ ឆ្នាំ២០១៥។ លើសពីនេះ ទំនប់វារីអគ្គិសនីតាតៃ បានចាប់ផ្តើមសាងសង់កាលពីដើមឆ្នាំ២០១១ដោយក្រុមហ៊ុនសារជីវកម្មចិនឈ្មោះ China National Heavy Machinery ក្រោមចំណាយថវិកាប្រមាណ ៥៤០លានដុល្លារសហរដ្ឋអាមេរិក៕