អបអរសាទរ ! ចិន្តា រត្ន័ ដណ្តើម​បានមេដាយមាស​ក្នុងការ​សម្តែង​​ក្បាច់គុន​ ដោយមានយន្តហោះចម្បាំងហោះអបអរ រួមនឹងភ្លេងជាតិកម្ពុជា…(មានវីដេអូ)

អបអរសាទរ ! ចិន្តា រត្ន័ ដណ្តើម​បានមេដាយមាស​ក្នុងការ​សម្តែង​​ក្បាច់គុន​ ដោយមានយន្តហោះចម្បាំងហោះអបអរ រួមនឹងភ្លេងជាតិកម្ពុជា(មានវីដេអូ)។ កូរ៉េខាងត្បូង ៖ ​កីឡាការិនី​ល្បុក្កតោ​កម្ពុជា ​ចិន្តា រត្ន័ ដណ្តើម​បានមេដាយមាស​ ក្នុងការ​សម្តែង​ក្នុង​ក្បាច់គុន​ ទែកគ្យុន (TEAKKYON) ​យុទ្ធគុនបូរាណកូរ៉េ ​ក្នុង​មហោស្រព​ក្បាច់គុន​ចម្រុះ​ពិភព​លោក ២០១៩ នៅកូរ៉េខាងត្បូង។

យ៉ាងណាមិញ ពិតជាមោទនភាពជាតិណាស់ ព្រោះតែ​ភ្លេងជាតិរបស់ប្រទេសកម្ពុជា​ បានបន្លឺ​ឡើងក្នុង​ព្រឹត្តិការណ៍​មហោស្រព​កីឡា​ក្បាច់​គុន​ ចម្រុះ​ពិភព​លោក ​ពេល​ដែល​កីឡាការិនី ​ចិន្តា រ័ត្ន ​ឈ្នះមេដាយមាស ព្រមជាមួយនឹងការហោះហើរអបអរពីយន្តហោះចម្បាំងចំនួន ៥គ្រឿង នៅលើអាកាសទៀតផង។

គួរបញ្ជាក់ផងដែរថា រយះពេលគន្លងមកនេះឃើញថាមានកូនខ្មែរជាច្រើនរូបមកហើយបានកសាងនូវស្នាដៃជូនជាតិមាតុភូមិ ពោលគឺកសាងស្នាដៃតាមរយះការចូលរួមដណ្តើមមេដាយជាច្រើន ដោយសារតែកូនខ្មែររបស់យើងមានសមត្ថភាពខ្លាំង គឺដោយបានបង្ហាញមុខមាត់ប្រទេសកម្ពុជាឲ្យគេបានស្គាល់ និងបានដឹងជាក់ច្បាស់ថា បរទេសធ្វើបានរីឯ កូនខ្មែរក៏អាចធ្វើបានដូចគ្នាដែរ៕ សូមទស្សនាវីដេអូនៅខាងក្រោម៖
(អត្ថបទ៖ វឌ្ឍនា)

សូមទស្សនាវីដេអូនៅខាងក្រោម៖

អបអរសាទរ​ ! កូនខ្មែរ​ ឌិប​ ង៉ែត​ បានជាប់ជ័យលាភីជាតារាសម្តែងក្បាច់គុណពិភពលោកតាមរយះការប្រេីក្បាច់ល្បុក្កតោ…(មានរូបភាព)

គុនល្បុក្កតោក្នុងវិស័យភាពយន្ត Action Film ប្អូនប្រុស ឌឹប ង៉ែត តំណាងគុនល្បុក្កតោចូលរួមប្រកួតក្នុងកម្មវិធី Audition Global Action Star នៅសាធារណរដ្ឋកូរ៉េ ជាប់ដល់វគ្គបញ្ចប់ ទទួលបានលទ្ធផល Bast Acting (ការសម្តែងល្អបំផុត)។

ពិតមានការភ្ញាក់ផ្អេីល ដែលក្មេងធម្មតាម្នាក់ បានធ្វេីឲ្យមនុស្សជាច្រេីន ស្គាល់ពីវប្បធម៌ក្បាច់គុនរបស់ខ្មែរ តាមរយៈទេពកោសល្យរបស់ខ្លួន។ យ៉ាងណាមិញ នេះដំណឹងដ៏គួរអោយរីករាយចំពោះ លោក ឌិប ង៉ែត ដែលជាក្រុមជម្រេីសជាតិល្បុក្កតោ

ដែលគាត់បានជ័យលាភី ជាប់ជាតារាសម្តែងក្បាច់គុនពិភពលោក នាប្រទេសកូរ៉េដែលមានបេក្ខជនមកពី40 ប្រទេសនិងស្ថាប័ន ក្រោយការជម្រុះជាច្រេីនលេីកច្រេីនសារ…. មានពាក្យអី្វជូនគាត់ទេ…. សម្រាប់ខ្ញុំរំភេីបជំនួសគាត់ខ្លាំងណាស់ Idol កូនខ្មែរ ល្បុក្កតោ។ សូមទស្សនារូបភាពនៅខាងក្រោម៖

គួរអោយអាសូរណាស់!! យុវតី ១៦ឆ្នាំម្នាក់ ស្លាប់យ៉ាងអាណោចអាធ័ម ព្រោះតែពុលបុកល្ហុង…(មានរូបភាព)

យោងតាមប្រភពច្បាស់ការណ៍មួយបានឱ្យដឹងថា យុវតីម្នាក់ឈ្មោះ Nong Fon អាយុ ១៦ឆ្នាំ រស់នៅក្នុងប្រទេសថៃ បានស្លាប់បាត់បង់ជីវិត ព្រោះតែរាករូសធ្ងន់ធ្ងរពេក ក្រោយពីពុលបុកល្ហុង។ហេតុការណ៍ដ៏សោកសៅនេះបានកើតឡើងកាលពីថ្ងៃទី២៤ ខែសីហា កន្លងទៅនេះ នៅពេលអ្នកស្រី Kajorn បានទិញបុកល្ហុងឱ្យកូនស្រី (អ្នកស្លាប់) ហូប។

ក្រោយពី Nong Fon ហូបហើយ មិនយូរប៉ុន្មាននាងក៏ចាប់ផ្តើមឈឺពោះ និងរាករូសជាខ្លាំង។ប្រភពដដែលបានឱ្យដឹងថា នៅថ្ងៃទី២៦ ខែសីហា កន្លងទៅនេះ ស្ថានភាពរបស់ Nong Fon កាន់តែធ្ងន់ធ្ងរខ្លាំងឡើង ហើយនាងក៏ត្រូវបានបញ្ជូនទៅកាន់មន្ទីរពេទ្យជាបន្ទាន់។ប៉ុន្តែជាអកុសល នាងក៏បានស្លាប់បាត់បង់ជីវិត ខណៈពេលកំពុងតែជិះរថយន្តសង្រ្គោះទៅមន្ទីរពេទ្យ។ គ្រូពេទ្យបានបញ្ជាក់ថា មូលហេតុស្លាប់របស់នាង Nong Fon គឺដោយសារតែការឆ្លងមេរោគក្រពះពោះវៀន បង្កឡើងដោយសារតែការពុលបុកល្ហុងកាលពីពីរថ្ងៃមុន។មិន

យូរប៉ុន្មាន ដំណឹងនេះក៏បានលេចឮទៅដល់មិត្តភក្តិអ្នកស្លាប់ ហើយពួកគេក៏បានចូលរួមពិធីបុណ្យសពរបស់ Nong Fon ផងដែរ។យ៉ាងណាមិញ គ្រូពេទ្យក៏បានផ្តល់ជាដំបូន្មានទៅកាន់មនុស្សទូទៅ មុនពេលទទួលទានអាហារ សូមមេត្តាពិនិត្យគុណភាពអាហារទាំងនោះឱ្យបានត្រឹមត្រូវ ពោលគឺត្រូវហូបស្អាត ផឹកស្អាត ដើម្បីចៀសវាងនូវមេរោគនានាដែលអាចកើតឡើងជាយថាហេតុ៕

រំភេីបណាស់​! ហុង​ ភារិន​ ចូលសម្តែងការគួរសម​ នៅឯស្ថានអគ្គរាជទូតកម្ពុជាប្រចាំប្រទេសថៃ…(មានរូបភាព)

នៅរសៀលថ្ងៃទី ៣០ សីហា ២០១៩ ឯកឧត្តម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ និងលោកជំទាវ បានអនុញ្ញាតអោយ លោក ហុង ភារិន និស្សិតអាហារូបករណ៍កម្ពុជាឆ្នាំទី ៤ ផ្នែកអភិវឌ្ឍន៍ជនបទ នៅសាកលវិទ្យាល័យរាជផាត់ជ័យភូមិ ខេត្តជ័យភូមិរបស់ថៃ ចូលជួបសម្តែងការគួរសម នៅស្ថានឯកអគ្គរាជទូតកម្ពុជាប្រចាំប្រទេសថៃ ។

ក្នុងឱកាសជួបសំណេះសំណាលនេះ ឯកឧត្តមឯកអគ្គរាជទូតបានកោតសរសើរ និងអបអរសាទរប្អូនប្រុស ចំពោះការបង្ហាញសមត្ថភាពនៃការចងចាំរបស់ប្អូនក្នុងកម្មវិធីដ៏ល្បីមួយរបស់ថៃ ដែលធ្វើអោយទទួលបានការស្ញប់ស្ញែងយ៉ាងខ្លាំងពីសាធារណជនទាំងក្នុងប្រទេសកម្ពុជា និងក្រៅប្រទេស។

ទន្ទឹមនេះ ឯកឧត្តម ក៏បានថ្លែងអំណរគុណដែលប្អូនប្រុសធ្វើអោយប្រទេសផ្សេងស្គាល់ពីកម្ពុជាកាន់តែខ្លាំង ដែលទាំងនេះជាលទ្ធផលចេញពីការខិតខំប្រឹងប្រែងព្យាយាមហ្វឹកហាត់កន្លងមក។ ជាងនេះទៅទៀត ឯកឧត្តម បានផ្តាំផ្ញើអោយបន្តខិតខំរៀនសូត្រ ដើម្បីវិលត្រឡប់ទៅប្រទេសកម្ពុជាវិញពេលបញ្ចប់ការសិក្សា ពីព្រោះជាធនធានកម្រមួយ និងជាទំពាំងដ៏ល្អ ក្នុងការរួមចំណែកកសាង និងអភិវឌ្ឍន៍ប្រទេសកម្ពុជាអោយមានការទទួលស្គាល់លើឆាកអន្តរជាតិបន្ថែមទៀត។

អបអរសាទរ ! ស្ថានភាពកងទ័ពកម្ពុជា-ឡាវ នៅតំបន់មុំបី បានបញ្ចប់ជាស្ថាពរហើយ…(មានវីដេអូ)

(ភ្នំពេញ)៖ មន្រ្តីជាន់ខ្ពស់រាជរដ្ឋាភិបាល ដែលនៅក្បែរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ប្រាប់បណ្តាញព័ត៌មាន Fresh News ឱ្យដឹងនៅរសៀលថ្ងៃនេះថា ការកែសម្រួលកងទ័ពកម្ពុជា-ឡាវ នៅតំបន់មុំបី ក្បែរព្រំដែនកម្ពុជា-ឡាវ បានបញ្ចប់ជាស្ថាពរហើយ នៅម៉ោង១១៖០០នាទីព្រឹក ថ្ងៃទី២៩ ខែសីហា ឆ្នាំ២០១៩នេះ។

បើតាមការបញ្ជាក់របស់មន្រ្តីជាន់ខ្ពស់រូបនោះ គឺតាំងពីមុនមកដល់ពេលនេះ ស្ថានភាពនៅព្រំដែនកម្ពុជា-ឡាវ មិនមានបញ្ហាអ្វីធ្ងន់ធ្ងរទាល់តែសោះ ហើយកងទ័ពប្រទេសទាំងពីរ រក្សាភាពស្ងប់ស្ងាត់ និងភាពសុខសានជាធម្មតាតាមបណ្តោយព្រំដែន។

សូមបញ្ជាក់ថា ការកែសម្រួលកងទ័ពកម្ពុជា -ឡាវ នៅតំបន់មុំបី ព្រំដែនខេត្តព្រះវិហារនាពេលនេះ បានធ្វើឡើងបន្ទាប់ពីមានការចរចាគ្នា និងមានបទបញ្ជាពីមេដឹកនាំកំពូលប្រទេសទាំងពីរ៕ ចង់ជ្រាបច្បាស់សូមទស្សនាវីដេអូនៅខាងក្រោម៖

អស្ចារ្យមែន ! ហុង ភារិន ត្រូវបានចាត់ទុកថាជាអ្នកធ្វេីឲ្យចំណងមិត្តភាព ខ្មែរ ថៃ មានភាពល្អប្រសេីរ តាមរយះសង្គមអនឡាញ…(មានវីដេអូ)

ថ្មីៗនេះ និស្សិតអាហាររូបករណ៍ខ្មែរ ហុង ភារិន ដែលកំពុងបន្តការសិក្សានៅមហាវិទ្យាល័យ រ៉ាជឆាផាត់ឆ័យភូមិ សាងភាពភ្ញាក់ផ្អើលជាខ្លាំងដល់មហាជនពេញបណ្តាញសង្គម ជាពិសេសគឺប្រជាជនខ្មែរ និងថៃ។ ព្រោះតែទេពកោសល្យ និងសមត្ថភាពដ៏អស្ចារ្យរបស់បេក្ខជន ហុង ភារិន ពេលនេះ ទទួលបានរហ័សនាមជា អច្ឆរិយៈកម្ពុជា បានធ្វើឲ្យមានការកោតសរសើរជាខ្លាំងពេញបណ្តាញសង្គម។
img_2431
យោងតាមទំព័រផ្លូវការកម្មវិធី SUPER 100 របស់ស្ថានីយទូរទស្សន៍ Workpoint បានឲ្យដឹងថា បេក្ខជន ហុង ភារិន បានសាងចំណងមិត្តភាពខ្មែរ ថៃ តាមរយៈសង្គមអនឡាញ ព្រោះតែទឹកចិត្តដ៏ល្អ ជាមួយទេពកោសល្យដែលខ្លួនមាន។ ហុង ភារិន បានទទួលបានការកោតសរសើរពីសំណាក់ប្រជាជនខ្មែរ និងថៃ ហើយរូបគេបានជាប់ការ ចំណាត់ថ្នាក់លេខ១ នៃកម្មវិធី សម្រាប់ភាគដែលមានអ្នកទស្សនាច្រើនបំផុត ដោយក្នុងរយៈពេលមួយថ្ងៃគឺមានការចូលទស្សនាជាង ៤លានដង។
img_2422-1
គួររំលឹកថា ហុង ភារិន បានឆ្លងកាត់វិញ្ញាសារទាំង៣យ៉ាងជោគជ័យ ដោយរូបគេបានទទួលរង្វាន់តាមការស្នើសុំនោះគឺសៀវភៅ និងឧបករណ៍សិក្សាសម្រាប់ចែកចាយក្មេងៗក្រីក្រ ដែលរស់នៅឯខេត្តឆ័យភូមិ សរុបជាទឹកប្រាក់ចំនួន៤៥,០០០បាត។

bandicam 2019-08-28 12-38-47-649bandicam 2019-08-28 12-38-53-679bandicam 2019-08-28 13-22-29-436bandicam 2019-08-28 13-22-43-683IMG_2400សូមទស្សនាវីដេអូនៅខាងក្រោម៖

សូមចូលរួមរំលែកទុក្ខផង ! មិត្តជប៉ុនប្រកាសអាសន្ន និងណែនាំឲ្យប្រជាជនជាង៨សែននាក់ជម្លៀសខ្លួន ខណៈគ្រោះធម្មជាតិកំពុងវាយប្រហារភាគខាងត្បូង…(មានវីដេអូ)

(តូក្យូ)៖ បើតាមប្រព័ន្ធផ្សព្វផ្សាយរដ្ឋ NHK បានឲ្យដឹងថា បុរសម្នាក់បានស្លាប់ នៅពេលរថយន្តរបស់គាត់ ត្រូវបានទឹកជំនន់ហូរនាំយកទៅ នៅឯខេត្ត Saga ដែលជាតំបន់មួយ ដែលរងការធ្លាក់ភ្លៀងខ្លាំង។ ចំណែកឯ មនុស្សម្នាក់ទៀត ក៏បានស្លាប់ក្នុងករណីស្រដៀងគ្នានេះដែរ នៅឯខេត្ត Fukuoka។

គ្រោះមហន្តរាយខាងលើ មិនត្រឹមតែបានបង្កគ្រោះថ្នាក់ដល់អាយុជីវិតប្រជាជនជប៉ុននោះទេ តែថែមទាំងធ្វើឲ្យប៉ះពាល់ជាខ្លាំង ដល់ការដឹកជញ្ជូនសាធារណៈ និងអាជីវកម្មផ្សេងៗផងដែរ។ តួរយ៉ាងដូចជា ក្រុមហ៊ុន Toyota Motor Corp ដែលជាក្រុមផលិតរថយន្ត Lexus ដ៏ធំមួយនៅឯទីក្រុង Kyushu បាននិយាយថា រោងចក្ររបស់ខ្លួននឹងផ្អាកការងាររបស់ក្រុមហ៊ុន នៅល្ងាចថ្ងៃពុធនេះ។ ដោយឡែក ទីភ្នាក់ងារឧតុនិយមរបស់ជប៉ុន បានប្រកាសអាសន្នខ្ពស់បំផុតកម្រិតទី៥ ដោយបានចេញការព្រមានជាបន្ទាន់ដល់ប្រជាជន ដែលរស់នៅលើកោះ គ្យូស៊ុ (Kyushu) ឲ្យមានការប្រុងប្រយត្ន័ខ្ពស់។

ជាការពិតណាស់ ទឹកភ្លៀង បានបង្កជាទឹកជំនន់ និងគ្រោះបាក់ដីយ៉ាងកាចសាហាវ នៅលើកោះ គ្យូស៊ុ (Kyushu) ដែលស្ថិតភាគខាងត្បូងប្រទេសជប៉ុននាថ្ងៃពុធនេះ ដោយបានផ្តាច់ជីវិតមនុស្សយ៉ាងហោចណាស់០២នាក់ ខណៈអាជ្ញាធរបានចេញសេចក្តីប្រកាសអាសន្នដ៏កម្រមួយ និងបានបង្គាប់ឲ្យប្រជាជនប្រមាណ ៨៥០,០០០ នាក់ជម្លៀសខ្លួន។ នេះបើតាមការចេញផ្សាយដោយទីភ្នាក់ងាសារព័ត៌មាន Reuters នារសៀលថ្ងៃពុធ ទី២៨ ខែសីហា ឆ្នាំ២០១៩៕

សូមទស្សនាវីដេអូនៅខាងក្រោម៖

ទីចាត់ការការងារព្រំដែន អញ្ជើញទៅចូលរួមក្នុងពិធីកិច្ចប្រជុំប្រាស្រ័យព្រំដែន មិត្តភាព កម្ពុជា-វៀតណាម ឆ្នាំ២០១៩រយៈពេល២ថ្ងៃ ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុន ម៉ាណែត

( ភ្នំដិនព្រំដែនកម្ពុជា-វៀតណាម) ថ្ងៃអង្គារ ៧រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែសីហា ឆ្នាំ២០១៩ ទីចាត់ការការងារព្រំដែន អញ្ជើញទៅចូលរួមក្នុងពិធីកិច្ចប្រជុំប្រាស្រ័យព្រំដែន មិត្តភាព កម្ពុជា-វៀតណាម ឆ្នាំ២០១៩រយៈពេល២ថ្ងៃ ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និង ឯកឧត្តម ឧត្តមសេនីយ៍ទោ ហ៍រ ស៊ុនចៀន មេបញ្ជាការបញ្ជាការដ្ឋានការពារព្រំដែន កងទ័ពប្រជាជនវៀតណាម នៅខេត្ត អានយ៉ាងនៃសាធារណរដ្ឋសង្គមនិយមវៀតណាម។

ក្រោយពីបានបញ្ចប់កិច្ចប្រជុំប្រាស្រ័យព្រំដែនមិត្តភាព កម្ពុជា-វៀតណាម ថ្ងៃទី២៨ ខែសីហាឆ្នាំ២០១៩ ភាគីវៀតណាមបានរៀបចំ ពិធីពិសារបាយសាមគ្គី ខ្ញុំបានទទួលអនុសាសន៍ណែនាំដ៏មានអត្ថន័យពី ឯកឧត្តមក្មួយ ដើម្បីយកទៅអនុវត្តន៏ការងារបន្ត៕សូមទស្សនារូបភាពនៅខាងក្រោម៖

កក្រើកទៀតហើយ ! សង្ឈសៅលីញ​ចិនមួយអង្គ វាយជាមួយ Floyd ​Mayweather ​សាក​ក្បាច់​គុន​នៅ​ចុង​ឆ្នាំ​នេះ នឹងទៅជាយ៉ាងណា​…(មានវីដេអូ)

បើ​យោង​វិបសាយ ​Toutiao ​របស់​ចិន ​បាន​បញ្ជាក់​ថា Agency ​ហុងកុង ​បាន​បង្ហោះ​រូបភាព​នៃ​ការ​ប្រកួត​របស់ Nhat Long ​និង Floyd ​នៅ​ចុង​ឆ្នាំ​នេះ។ ​ពាក់ព័ន្ធនឹងរឿង​នេះផងដែរ មនុស្សម្នា​បាន​ចែកចាយ​យ៉ាង​ច្រើន​នៅ​លើ​បណ្ដាញ​សង្គម ព្រោះ​កីឡាករ​ទាំង​ពីរ​នេះ​ពិត​ជា​ល្បី​ខ្លាំង​ណាស់​នៅ​លើ​លោក ជា​ពិសេស​នៅ​ទឹក​ដី​ប្រទេស​សំបូរ​ប្រជាជនយ៉ាងច្រើន​នៅ​អាស៊ី​នេះ​តែ​ម្ដង។

ប្រសិន​បើ Nhat Long ​ពិត​ជា​ប្រកួត​ជាមួយ​កីឡាករ​អាមេរិក​ខាង​លើ​មែន ​នោះ​វា​ជា​ក្ដី​ស្រមៃ​មួយ​ក្លាយ​ជា​ការ​ពិត​ហើយសម្រាប់អ្នកគាំទ្រវិស័យកីឡា។ ជាការពិតណាស់ វា​នឹង​ក្លាយ​ជា​ការ​ប្រកួត​ធំ​បំផុត​ក្នុង​ប្រវត្តិសាស្ត្រ​ចិន​មិន​ខាន ព្រោះ Floyd ​ជា​កីឡាករ​មិន​ដែល​ចាញ់​នោះ​ទេ ​ក្នុង​ប្រវត្តិ​ប្រកួត​ផ្លូវការ​របស់​គេជាច្រើនលើកគន្លងមកនេះ។

ដោយឡែក ការ​ប្រកួត​រវាង​អ្នក​ទាំង​ពីរ​គឺ Nhat Long ​បាន​បញ្ជាក់​ថា​រូបគេ​មិន​បដិសេធ​ឡើយ​ក្នុង​ការ​ប្រកួត ​ក្រោម​ច្បាប់​របស់ Boxing ​ដែល​សម្រេច​ដោយ Floyd ព្រោះ​រូបគេ​មិន​ខ្លាច​នឹងការវាយរបស់ Floyd ឡើយ។ មួយវិញទៀត សង្ឃ​សៅលីញរូប​នេះ ​មាន​ប្រវត្តិ​ហាត់ Boxing ​ជា​យូរឆ្នាំ​មក​ហើយ។ គួរបញ្ជាក់ផងដែរ សង្ឃសៅលីញរូបនេះបានធ្លាប់ប្រកួតជាមួយកីឡាករថៃ Buakaw ម្តងរួចមកហើយ។ យ៉ាងណាមិញ ខណៈ​ដែល​ចុង​ឆ្នាំ​នេះ រូបគេ​ក៏​មិន​អាច​ឡើង​ប្រកួត​ជាមួយ​កីឡាករ​ថៃ Buakaw ​បាន​ដែរ ព្រោះ​ឮ​ដំណឹង​ថា​មាន​បញ្ហា​សុខភាព​៕ ចង់ជ្រាប់ច្បាស់សូមទស្សនាវីដេអូប្រកួតរវាង សង្ឃសៅលិញ ទល់នឹងកីឡាថៃ Buakaw នៅខាងក្រោម៖

សោកស្តាយណាស់!! ព្រៃអាម៉ាហ្សូន ដែលពិភពលោក ចាត់ទុកថា ជាសួតផែនដីពេលនេះ ត្រូវបានឆេះអស់ស្ទើតែទាំងស្រុងទៅហើយ..(មានវីឌីអូ)

សោកស្តាយណាស់!! ព្រៃអាម៉ាហ្សូន ដែលពិភពលោក ចាត់ទុកថា ជាសួតផែនដីពេលនេះ ត្រូវបានឆេះអស់ស្ទើតែទាំងស្រុងទៅហើយ..(មានវីឌីអូ)
បើយោងទៅតាមការស្រាវជ្រាវទីអវកាស (INPE) មានភ្លើងឆេះព្រៃរហូតដល់ទៅ ៧២,៨៤៣ កន្លែង បានកើតឡើងក្នុងប្រទេសប្រេស៊ីលក្នុងឆ្នាំ២០១៩ នេះហើយក្នុងចំណោមនោះ
ច្រើនជាងពាក់កណ្ដាល គឺកើតឡើងនៅក្នុងតំបន់ព្រៃអាម៉ាហ្សូន។ អាត្រានេះបានកើនឡើងជាង ៨៣ភាគរយឯណោះ បើធៀបទៅនឹងរយៈពេលដូចគ្នាកាលពីឆ្នាំ២០១៨។យ៉ាណាមិញ

បន្ទាប់ពីមានហេតុការណ៍ភ្លើងឆេះព្រៃដសែនអាក្រក់មួយនេះកើតឡើង ក្រុមអង្គការសង្គមស៊ីវិលផ្នែកការពារបរិស្ថាននៅក្នុងប្រទេសប្រេស៊ីល បានទម្លាក់ការទទួលខុសត្រូវនៃបញ្ហា
ភ្លើងឆេះព្រៃ ទៅលើប្រធានាធិបតីប្រេស៊ីល លោក Jair Bolsonaro ដោយចោទថា លោកមានភាពធូររលង់ក្នុងការគ្រប់គ្រងព្រៃឈើ ហើយទាំងលើកទឹកចិត្តឱ្យមានការកាប់បំផ្លាញព្រៃទៀតផង តាមរយៈគំរោងបើកដៃធ្វើអាជីកម្មក្នុងតំបន់ព្រៃអាម៉ាហ្សូន។

សូមទស្សនាវីឌីអូខាងក្រោមទាំងអស់គ្នា