មិនសរសើរមិនបាន!! តារាសម្ដែងល្បុក្កតោខ្មែរ អ៊ូ តារា លេចមុខលើបណ្ដាញផ្សព្វផ្សាយរបស់កូរ៉េគួរឲ្យភ្ញាក់ផ្អើល…

មិនសរសើរមិនបាន!! តារាសម្ដែងល្បុក្កតោខ្មែរ អ៊ូ តារា លេចមុខលើបណ្ដាញផ្សព្វផ្សាយរបស់កូរ៉េគួរឲ្យភ្ញាក់ផ្អើល…
តារាសម្ដែង និងជាអ្នកជំនាញក្បាច់គុណល្បុក្កតោរបស់ខ្មែរមួយរូប លោក អ៊ូ តារា នៅថ្ងៃនេះ បានលេចមុខលេចមុខគួរឲ្យភ្ញាក់ផ្អើលនៅលើបណ្ដាញផ្សព្វផ្សាយរបស់កូរ៉េខាងត្បូង បន្ទាប់ពីលោកបានទៅចូលរួមកម្មវិធីមហោស្រពភាពយន្ត ដែលធ្វើឡើងនៅទីនោះ។មហោស្រពភាពយន្តនេះមានឈ្មោះ “Chungbuk International Martial Arts and Action Film Festival “។ លោក អ៊ូ តារា ដែលពេលនេះកំពុងនៅប្រទេសកូរ៉េខាងត្បូង បានឆ្លើយប្រាប់ sabay តាមសារអេឡិចត្រូនិកព្រឹកនេះថា លោកបានដល់កូរ៉េខាងត្បូងថ្មីៗ

តបតាមការអញ្ជើញពីកម្មវិធីមហោស្រពដ៏ធំរបស់កូរ៉េនេះ។ លោកត្រូវបានអញ្ជើញ ក្នុងនាមជាតារាក្បាច់គុនល្បុក្កតោផង ជាភ្ញៀវកិត្តិយស និងជាវាគ្មិនសម្រាប់ការធ្វើបទបង្ហាញពីការផលិតភាពយន្តក្បាច់គុន ភាពយន្តប្រភេទ Actionនៅក្នុងស្រុកផង។តាមតារាក្បាច់គុនរូបនេះ មហោស្រពដាក់បញ្ចាំងតែភាពយន្តប្រភេទក្បាច់គុនប៉ុណ្ណោះ។ ដូច្នេះហើយ ទើបភាពយន្តខ្នាតធំរបស់ខ្មែរចំនួន៣រឿងដែរ ត្រូវបានដាក់បញ្ចូលក្នុងកម្មវិធីបញ្ចាំងរបស់មហោស្រពភាពយន្តមួយនេះ។ ភាពយន្តវ៉ៃតប់របស់ខ្មែរទាំង៣នោះមានរឿង “ហែកគុក ឬ Jailbreak” និងរឿង “The Prey” ដែលលោក អ៊ូ តារា បានចូលរួមសម្ដែង។ ដោយឡែកមួយរឿងទៀត គឺរឿង “The Surviving Bokator” ជាប្រភេទភាពយន្តឯកសាររបស់

អ្នកដឹកនាំរឿងជនជាតិកាណាដាមួយរូប។នេះមិនមែនជាលើកទី១ទេ ដែលតារាសម្ដែង មានជំនាញក្បាច់គុនល្បុក្កតោរបស់ខ្មែរ បានចូលរួមកម្មវិធីខាងលើ គឺលោកបានចូលរួមប្រមាណ៣ឆ្នាំរួចមកហើយ ព្រោះលោកនិងក្រុមផលិតភាពយន្តក្បាច់គុន គឺជាសមាជិករបស់ World Martial Art Film។ ប៉ុន្តែនេះជាលើកទី១ដែល កម្មវិធីបានមកធ្វើនៅក្នុងប្រទេសកូរ៉េខាងត្បូង។ដូច្នេះហើយ លោក អ៊ូ តារា បានបញ្ជាក់ថា លោកមានមោទកភាពដែលបានមកដល់ទីនេះ(មហោស្រព) ជាកន្លែងដែលលោកបានផ្សព្វផ្សាយសារខ្លះៗពីខ្មែរ

មានទាំងភាពយន្ត និងក្បាច់គុនល្បុក្កតោរបស់ខ្មែរ។ លោកលើកឡើងថា “យើងនាំអ្វីដែលកម្ពុជាមាន សម្រាប់ឲ្យពិភពលោកបានស្គាល់!”។មហោស្រពភាពយន្ត “Chungbuk International Martial Arts and Action Film Festival ” គឺជាកន្លែងដាក់បញ្ចាំងភាពយន្តតែប្រភេទភាពយន្តក្បាច់គុនសុទ្ធ ដូច្នេះហើយ ផលិតករ អ្នកដឹកនាំភាពយន្តប្រភេទនេះភាគច្រើន មកពីប្រទេសនានាដែលត្រូវបានអញ្ជើញ នឹងមានវត្តមានរួមគ្នាក្នុងកម្មវិធី ដែលនឹងត្រូវប្រារព្ធធ្វើឡើងពីថ្ងៃទី២៩ សីហា ម្សិលមិញ ដល់ថ្ងៃទី ០២ កញ្ញា ២០១៩ខាងមុខ។លោក អ៊ូ តារា និងក្រុមផលិតភាពយន្តក្បាច់គុន គ្រោងនឹងវិលត្រឡប់មកប្រទេសកម្ពុជាវិញនៅថ្ងៃទី ០៧ កញ្ញា ២០១៩៕

មិនគួរឲ្យជឿសោះ ! នគរតុងអ៊ូ សម័យសាមកុកធ្លាប់មានទំនាក់ទំនងពាណិជ្ជកម្មនឹង នគរភ្នំខ្មែរយើង…(មានរូបភាព)

តាមកំណត់ត្រាលោក ជីវ តាខ្វាន់ បានមានបង្ហាញថា ជនជាតិចិន និងកម្ពុជាមានទំនាក់នងការទូត ព្រមទាំងសេដ្ឋកិច្ចជាមួយគ្នា ចាប់តាំងពីសតវត្សរ៍ទី៣ ឬទី៤ នៃគ.ស។ ប៉ុន្តែតាមបណ្ឌិត មីហ្សែល ត្រាណេ បានអធិប្បាយក្នុងសៀវភៅរបស់លោកថា តាមរបកគំហើញថ្មី និងភស្តុតាងមួយចំនួនដូចជាសិលាចារឹក និងរឿងព្រេងនិទានផងនោះ ជនជាតិចិនបានមានវត្តមាននៅលើទឹកដីកម្ពុជាតាំងពីមុនសតវត្សរ៍ទី១ នៃគ.ស ទៅទៀត។

តាមឯកសារប្រវត្តិសាស្រ្តឃើញថា អំឡុងសតវត្សរ៍ទី៣ ប្រទេសចិនមានការបែងចែកអាណាចក្រជាបីផ្នែក នគរវ៉ី (អ៊ួយ) នគរស៊ូហាន នគរអ៊ូ (តុងអ៊ូ) ដែលភាគច្រើនគេស្គាល់ជាទូទៅថា ជាសម័យសាមកុក។ នៅសម័យនេះ នគរតុងអ៊ូ ធ្លាប់មានទំនាក់ទំនងជាមួយនឹងនគរភ្នំ ក្នុងចន្លោះរជ្ជកាលស្ដេច ហ្វានឆាន។

ទំនាក់ទំនងនេះ បើតាមសៀវភៅប្រវត្តិសាស្រ្តខ្មែរ របស់ លោក ត្រឹង ងា ឱ្យដឹងថា មានលក្ខណៈជាពាណិជ្ជកម្មច្រើនជាងនយោបាយ។ ក្នុងនោះ ប្រទេសចិនខាងត្បូង (រាជាអាណាចក្រអ៊ូ) មកទិញវត្ថុប្រណិតដែលខ្លួនត្រូវការតាមផ្លូវសមុទ្រ ដោយមកទាក់ទងជាមួយអាណាចក្រភ្នំ ដែលស្ថិតនៅចំផ្លូវទៅមក នៃជំនួញខាងសមុទ្រផងដែរ។ ឯកសារដដែល បានឱ្យដឹងទៀតថា នៅគ.ស ២៤៣ ស្ដេច ហ្វានឆាន បានបញ្ជូនទូតទី១ ទៅកាន់ប្រទេសចិន ដើម្បីនាំដង្វាយជាអ្នកភ្លេងនិងផលិតផលផ្សេងៗទៅថ្វាយស្ដេចក្រុងចិន។

ទាក់ទងនឹងការធ្វើជំនួញនេះ បើតាមឯកសារប្រវត្តិសាស្រ្តចិន សរសេរដោយជនជាតិបារាំង Jacques Gernet បានបញ្ជាក់ថា នគរតុងអ៊ូបានបញ្ជូនបេសកជន និងអ្នកជំនួញពីចិនទៅកាន់នគរភ្នំ នៅឆ្នាំ ២២៨ នៃគ.ស។ តាមរយៈឯកសារទាំងនេះ អ្នកស្រាវជ្រាវផ្នែកប្រវត្តិសាស្រ្តជឿថា នគរភ្នំ និងនគរតុងអ៊ូពិតជាធ្លាប់មានចំណងពាណិជ្ជកម្ម និងការទូតជាមួយនឹងគ្នា៕

ប្រភព៖interconrooster

កូនខ្មែរត្រូវយល់ដឹង ! ប្រវត្តិជូរចត់នៃប្រាក់រៀលខ្មែរ ដែលបន្សល់ទុកបន្តប្រើប្រាស់លុយដុល្លារនាបច្ចុប្បន្ន…

ដូចប្រិយមិត្តមួយចំនួនតូចបានដឹងហើយថា រូបិយប័ណ្ណរបស់រដ្ឋកម្ពុជាដំបូង ត្រូវបានបោះពុម្ពប្រើនៅក្នុងសម័យឥណ្ឌូចិនដែលប្រើរួមគ្នាចំនួនបីប្រទេសមានវៀតណាម ឡាវ និងកម្ពុជា ហើយរហូតដល់ប្រទេសយើងទទួលបានឯករាជ្យពេញលេញក្នុងឆ្នាំ១៩៥៣ ឯណោះ ទើបយើងមានរូបិយប័ណ្ណមួយផ្ទាល់ខ្លួន។ ភាពរីកចម្រើន និងសុខសន្តិភាពក្នុងប្រវត្តិសាស្ត្រមិនបានបន្តយូរប៉ុន្មាននោះទេ ពោលរបបប្រល័យពូជសាស្ត្រក៏បានកើតមានឡើង ហើយប្រាក់រៀលក៏ជាជនរងគ្រោះផងដែរ។

បន្ទាប់ពីរបប ប៉ុលពត ត្រូវបានផ្តួលរំលំនៅឆ្នាំ ១៩៧៩ មក នៅថ្ងៃទី២០ ខែមីនាឆ្នាំ១៩៨០ ប្រាក់រៀលត្រូវបានបោះផ្សាយឡើងវិញ និងត្រូវបានដាក់ឲ្យចរាចរណ៍សារជាថ្មី។ នៅទសវត្សរ៍ឆ្នាំ ៩០ នៅពេលដែលប្រទេសកម្ពុជាយើងបានបើកទូលាយសេដ្ឋកិច្ចរបស់ខ្លួន ប្រាក់ដុល្លារត្រូវបានប្រើប្រាស់ច្រើនលើសលុបក្នុងទីផ្សារហើយរូបិយវត្ថុក្នុងស្រុកបានធ្លាក់ថ្លៃ ដែលនាំឱ្យបាត់បង់ទំនុកចិត្តរបស់ប្រជាជនកម្ពុជា។ ដោយឡែកនៅឆ្នាំ១៩៩២ នៅពេលដែលអាជ្ញាធរបណ្តោះអាសន្នអង្គការសហប្រជាជាតិប្រចាំនៅកម្ពុជា (អ៊ុនតាក់) បាននាំយកជំនួយនិងកម្លាំងសន្តិសុខ ព្រមទាំងចាក់លុយដុល្លារអាមេរិក យ៉ាងច្រើនសន្ធឹកសន្ធាប់មកកម្ពុជា។ ការស្រាវជ្រាវបង្ហាញថាក្នុងអំឡុងឆ្នាំ១៩៩១ ដល់ ១៩៩២ អ៊ុនតាក់ បានចំណាយប្រាក់ប្រមាណ ១,៧ប៊ីលានដុល្លារអាមេរិក (៧៥ ភាគរយនៃផ.ស.សរបស់កម្ពុជានាពេលនោះ)។

ការណ៍នេះគឺជាដើមចម ដែលនាំឲ្យមានការដាក់ប្រាក់បញ្ញើជារូបិយប័ណ្ណបរទេសយ៉ាងច្រើន នៅក្នុងប្រព័ន្ធធនាគារកម្ពុជានិងគ្រឹះស្ថានមីក្រូហិរញ្ញវត្ថុដែលមានជាង ៩០ភាគរយ នៃប្រាក់បញ្ញើសរុបនៅកម្ពុជា។ បន្ទាប់មកនៅឆ្នាំ២០០០ ការរៀបចំរចនាសម្ព័ន្ធប្រព័ន្ធធនាគារដ៏ធំមួយបានកើតមានឡើង និងបាននាំឱ្យមានការបិទទ្វារធនាគារចំនួន ១៧ ជាថ្មីម្តងទៀតដែលបានធ្វើឱ្យប្រជាជនលែងមានទំនុកចិត្តលើប្រព័ន្ធធនាគារ ព្រោះមនុស្សជាច្រើនបានបាត់បង់ប្រាក់បញ្ញើរបស់ខ្លួន។ ដូច្នេះដោយសារមានកម្រិតហានិភ័យរាប់មិនអស់និងការវាយប្រហារទៅលើប្រព័ន្ធរូបិយវត្ថុ វិស័យធនាគារនិងរូបិយវត្ថុក្នុងស្រុកបានបន្សល់ទុកនូវអារម្មណ៍ជាច្រើនដែលធ្វើប្រជាជនមិនមានជំនឿលើប្រាក់រៀល ក៏ដូចជាវិស័យធនាគារទាំងមូល។

ជាលទ្ធផលធនាគារជាតិនៃកម្ពុជា មិនអាចបញ្ឈប់ប្រើប្រាស់រូបិយប័ណ្ណដុល្លារបានភ្លាមៗនោះទេ ពោលមានតែធ្វើការកំណែទម្រង់ទាំងសន្សឹមទាំងវិស័យនយោបាយ និងចិត្តសាស្ត្រ។ មកទល់ឆ្នាំ២០១៩ នេះ ការប្រើប្រាស់ប្រាក់ដុល្លារនៅតែបន្តមានប្រសិទ្ធភាព ព្រោះអីវាមានហេតុផលល្អច្រើនដែរសម្រាប់ប្រទេសកម្ពុជា ដែលធំបំផុតនោះគឺទាក់ទងទៅនឹងការវិនិយោគ និងការនាំចេញ-ចូល។ បើតាមការជម្រាបរបស់ធនាគារជាតិនៃកម្ពុជា ស្ថានភាពប្រើប្រាស់រូបិយប័ណ្ណរៀល និងដុល្លារមានភាពល្អប្រសើរណាស់ ហើយបម្រែបម្រួលនៃការផ្លាស់ប្តូរអត្រាការប្រាក់វិញក៏មានភាពល្អប្រសើរ បើធៀបជាមួយប្រទេសដទៃផងដែរ។ យ៉ាងណាមិញធនាគារជាតិនឹងនៅតែផ្តោតសំខាន់លើកតម្កើងតម្លៃប្រាក់រៀលដដែលមិនអាចបោះបង់បានឡើយ ព្រោះអិវាមានអត្ថប្រយោជន៍ច្រើនទៅកាន់សេដ្ឋកិច្ចជាតិទាំងមូល៕

ប្រភព៖ យោងតាមគេហទំព័រមួយឈ្មោះ medium.com ដែលបានសរសេររៀបរាប់។

ក្តុកក្តួលណាស់ ! អ៊ុំស្រីម្នាក់ឈរបីកូន ជិតកូនតូចៗ ២នាក់ មានតែស្បែកដណ្តប់ឆ្អឹងក្នុងជំរុំមួយកន្លែង ក្នុងសម័យខ្មែរក្រហមត្រូវបាន…(មានរូបភាព)

ក្តុកក្តួលណាស់ អ៊ុំស្រីម្នាក់ឈរបីកូន និងមានកូនតូច ២នាក់ សល់តែស្បែកដណ្តប់ឆ្អឹងនៅក្នុងជំរុំមួយកន្លែង ក្នុងសម័យខ្មែរក្រហមត្រូវបានវិចិត្រករយកទៅឆ្លាក់។ ប្រិយមិត្តដែលមានឪពុកម្តាយ រឺលោកយាយលោកតាចាស់ៗដែលធ្លាប់ឆ្លងកាត់របបសម័យប៉ុលពត ច្បាស់ជាបានជ្រាបច្បាស់ជាក់ជាពុំខាន ថាពិតជាលំបាករស់នៅខ្លាំងប៉ុណ្ណា។ ក្នុងនោះ គ្រួសារកូនចៅទាំងអស់ពុំបានជួបមុខគ្នានោះទេ ដោយត្រូវខ្មែរក្រហមជន្លៀសចេញពីតំបន់មួយទៅតំបន់មួយដែលពិតជាវេទនាខ្លាំងណាស់។

ក្នុងនោះ ដោយសារតែឃើញទិដ្ឋភាពពោរពេញដោយភាពក្តុកក្តួលដូចនេះ មានវិចិត្រករមួយគាត់បានយករូបភាពមួយសន្លឹកដែលថតជាប់ពីទិដ្ឋភាពពិតៗនៅក្នុងជំរុំមួយកន្លែង ក្នុងសម័យខ្មែរក្រហមពោរពេញដោយភាពវឹកវរ យកមកឆ្លាក់ជាចម្លាក់មួយបញ្ជាក់បង្ហាញយ៉ាងច្បាស់ដល់កូនខ្មែរជំនាន់ក្រោយបានឃើញ និងបានយល់ថានាសម័យនោះពិតជាលំបាកខ្លាំងណាស់។

ដោយឡែក មានអ្នកមួយចំនួនបាននិយាយថា ម្ចាស់រូបថត និងនៅក្នុងចម្លាក់នោះសព្វថ្ងៃរស់នៅឯទឹកដីអាមេរិកកាំង ហើយរូបភាពនេះបានថតពេលដែលនៅក្នុងជំរុំមួយកន្លែង។ ចង់ជ្រាបច្បាស់សូមទស្សនារូបភាពនៅខាងក្រោម៖

ឧកញ៉ា គង់ គ្រឹង និងកូនប្រសារ ត្រូវបានឃាត់ខ្លួនហេីយ​…

គណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិបានឃាត់ខ្លួន ឧកញ៉ា គង់ គ្រឹង និងកូនប្រសារហើយ!!!
នៅល្ងាចថ្ងៃទី១៥ ខែសីហា ឆ្នាំ២០១៩នេះគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានសម្រេចឃាត់ខ្លួន ឧកញ៉ា គង់ គ្រឹង និងកូនប្រសារហើយ បន្ទាប់ពីសួរនាំអស់រយៈពេល១ថ្ងៃ ពាក់ព័ន្ធនឹងបទល្មើសព្រៃ នៅក្នុងបញ្ជាការដ្ឋានកងរាជអាវុធហត្ថខេត្តក្រចេះ។ នេះបើតាមការបញ្ជាក់ពី ឯកឧត្តមឧត្តមសេនីយ៍ត្រី អេង ហ៉ី អ្នកនាំពាក្យគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ។

ឯកឧត្តមឧត្តមសេនីយ៍ត្រីបានបញ្ជាក់ប្រាប់បណ្តាញព័ត៌មានយ៉ាងដូច្នេះថា៖”ក្រោមការដឹកនាំបញ្ជាផ្ទាល់របស់ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ និងមានការសម្របសម្រួលពីអយ្យការ កម្លាំងអាវុធហត្ថខេត្តក្រចេះ បានធ្វើការឃាត់ខ្លួនបុគ្គលពាក់ព័ន្ធនឹងបទល្មើសព្រៃឈើចំនួន២រូប ក្នុងនោះមាន ជនសង្ស័យ ឧកញ៉ា គង់ គ្រឹង និងឈ្មោះ ម៉ាត់ ណាស៊ាត”។

#ឯកឧត្តមបានអះអាងថា យោងតាមក្រមនីតិវិធីព្រហ្មទណ្ឌ ដើម្បីឆ្លើយតបនឹងតម្រូវការចាំបាច់នៃការស៊ើបអង្កេត មន្ត្រីនគរបាលយុត្តិធម៌ អាចឃាត់ខ្លួនបុគ្គលដែលសង្ស័យថា បានចូលរួមក្នុងបទល្មើស។

#នៅថ្ងៃទី១៥ខែសីហាឆ្នាំ២០១៩នេះក្រុមការងារគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ បានកោះហៅឧកញ៉ា គង់ គ្រឹង ឱ្យចូលបំភ្លឺ ពាក់ព័ន្ធនឹងបទល្មើសព្រៃឈើ នៅបញ្ជាការដ្ឋានកងរាជអាវុធហត្ថខេត្តក្រចេះ។

ឧកញ៉ា គង់ គ្រឹង មានទីលំនៅភូមិដីច្រាបថ្មី ឃុំ២ធ្នូ ស្រុកស្នួល ខេត្តក្រចេះ ជាម្ចាស់រោងសិប្បកម្ម ម៉ាត់ ណាស៊ាត ត្រូវចូលបំភ្លឺតាមពេលវេលាកំណត់ និងត្រូវនាំឯកសារពាក់ព័ន្ធទៅជាមួយផងផងដែរ។

#សូមជម្រាបថាការកោះហៅ ឧកញ៉ា គង់ គ្រឹង ជាឈ្មួញឈើម្នាក់ដែរនោះ ត្រូវបានបញ្ជាក់ក្នុងលិខិតកោះហៅរបស់គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិនោះថា ដើម្បីដំណើរការស៊ើបអង្កេតឱ្យបានគ្រប់ជ្រុងជ្រោយ ច្បាស់លាស់ត្រឹមត្រូវ។

គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ដែលដឹកនាំដោយនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ត្រូវបង្កើតឡើង កាលពីថ្ងៃទី០៩ ខែធ្នូ ឆ្នាំ២០១៦ ដែលពេលនេះកំពុងបើកប្រតិបត្តិការក្តៅគគុក ក្នុងការបង្ក្រាបបទល្មើសព្រៃឈើនៅកម្ពុជា៕

អាណិតណាស់…យេីងចូលទៅរស់នៅក្នុងទឹកដីគេមិនស្រួលនោះទេ! ពលរដ្ឋខ្មែរម្នាក់ ត្រូវទាហានថៃបាញ់បណ្តាលឱ្យរងរបួសជើងស្តាំ ក្រោយចូលទឹកដីថៃខុសច្បាប់…

អាណិតណាស់…យេីងចូលទៅរស់នៅក្នុងទឹកដីគេមិនស្រួលនោះទេ!ពលរដ្ឋខ្មែរម្នាក់ទៀតហើយ ក្នុងចំណោម៤នាក់ ត្រូវទាហានថៃបាញ់បណ្តាលឱ្យរងរបួសជើងស្តាំ ក្រោយពេលឆ្លងចូលទឹកដីថៃខុសច្បាប់

ស្ថិតនៅក្នុងភូមិសាស្ត្រ ស្រុកជាំក្សាន្ត នៃខេត្តព្រះវិហារ! ហេតុការណ៍នេះកើតឡើង កាលពីថ្ងៃអង្គារ ទី១៣ សីហា នេះបើយោងតាមការបញ្ជាក់ឱ្យដឹង ពីសមត្ថកិច្ចមូលដ្ឋាននៅថ្ងៃព្រហស្បតិ៍ ទី១៥ សីហានេះ។

ប្រភព VSN News

ជួយស៊ែរបន្តផងអស់បារម្មណ៍ហេីយ! ទំនប់ប្រទាក់ក្រឡាខេត្តកំពត​ ត្រូវបានបិទជិតទាំងស្រុង ដែលប្រេីរយះពេលជាង២០ម៉ោង…(មានរូបភាព)

វិវឌ្ឍនភាពគិតដល់ម៉ោង ៨:៣០នាទី ព្រឹកថ្ងៃទី១២ ខែសីហា ឆ្នាំ២០១៩ លើការងារអន្តរាគមន៍ទប់ទល់ការហូរដាច់នៃទំនប់អាងទឹកកូនសត្វ ឬប្រទាក់ក្រឡា ស្ថិតក្នុងឃុំកូនសត្វ ស្រុកទឹកឈូ ខេត្តកំពត។ ទំនប់ត្រូវបានបិទភ្ជិតទាំងស្រុង នៅវេលាម៉ោង ៨:២០នាទីព្រឹកនេះ ដោយប្រើរយៈពេលអស់ប្រមាណ ២០ម៉ោង។

នៅសល់ការងារបន្តគឺពង្រឹងកន្លែងដាច់ឲ្យបានរឹងមាំបន្ថែមតែប៉ុណ្ណោះ។ ក្នុងការងារនេះក្រសួងបានប្រើប្រាស់នូវ៖ រឿងចក្រធុនធ្ងន់ចំនួន ១៤គ្រឿងរួមមាន អុិចស្កាវាទ័រដៃវែងដៃខ្លី ចំនួន ០៦គ្រឿង, រថយន្តបែនចំនួន ០៦គ្រឿង, ប៊ុលដូហ្ស័រចំនួន ០១គ្រឿង និងសាហ្ស័រចំនួន ០១គ្រឿង។ សម្ភារៈជំនួយមាន កញ្ច្រែងថ្មចំនួន ១០០ដុំ, ថ្ម-ដីប្រមាណ ៥០០ម៉ែត្រគូប។

កម្លាំងសរុបដែលដឹកនាំផ្ទាល់ដោយ ឯកឧត្តមរដ្ឋមន្រ្តី, ឯកឧត្តមរដ្ឋលេខាធិការប្រចាំការ ដែលជាប្រធានមុខព្រួញប្រចាំទិស, អគ្គនាយក, ប្រធាននាយកដ្ឋាន, ប្រធានមន្ទីរកំពត-កែប, មន្ត្រីរាជការ, អ្នកបើកបរគ្រឿងចក្រ និងកម្មករ សរុបចំនួន ១០០នាក់ផងដែរ។

អានហើយប្រុសៗច្បាស់ជាភ្ញាក់ខ្លួនព្រើត! នេះហើយជំរៅចិត្តភរិយា ទោះប្តីទៅជាយ៉ាងណា ក៏សុខចិត្ត…

អប់រំ៖ ពេទ្យប្រាប់ថា បងនឹងត្រូវសន្លប់បែបនេះក្នុងពេលដ៏យូរបន្ទាប់ពីវះកាត់ ហើយនៅពេលបងដឹងខ្លួនវិញ បងអាចប្រឈមមុខនឹឹងភាពពិការ. លោកប្តីអើយ បេះដូងអូនខ្ទេចខ្ទាំអស់ហើយ មុននេះបើបងស្តាប់អូន កុំរឹងរូស បងប្រហែលជាមិនអីទេ. ពេលដែលមិត្តបងនាំបងចេញទៅក្រៅផឹកសីុម្តងៗ ចិត្តអូនសែនបារម្ភ អូនដឹងថាបងស្រលាញ់មិត្តបងណាស់ បើពេលគេហៅបងមិនទៅ បងខ្លាចគេអន់ចិត្ត មិនរាប់រកបងទៀត បងអត់គិតដល់ចិត្តអូនសោះ បងតែងតែគិតថា ប្រពន្ធម្នាក់នេះចូលចិត្តរករឿងខឹងបងពេលបងចេញទៅផឹកសីុម្តងៗ បងអត់ដឹងថាអូនបារម្ភបង ស្រលាញ់បងប៉ុណ្ណាទេ ប្រពន្ធណាក៏ស្រលាញ់ប្តី ហើយចង់អោយប្តីល្អជានិច្ច.

បងទៅចូលរួមអាពាហ៍ពិពាហ៍គេ ម៉ោង១០យប់ហើយ បងថាបានជួបមិត្តចាស់ខានជួបគ្នាយូរ បបួលគ្នាទៅខារ៉ាអូខេ បងថាយប់បន្តិចបានបងត្រឡប់មកផ្ទះ អូនយល់ព្រមតាមសំណើរបង ព្រោះអូនដឹងថា ទោះអូនឃាត់ក៏បងនៅតែទៅ បើអូនខឹង បងនឹងរឹតតែធុញអូនថែម ប្តីអើយ! ពេលនេះឃើញទេ បងត្រូវគ្រោះថ្នាក់ចរាចរ ជិះបុកបង្គោលភ្លើង ដោយសារបងស្រវឹង! ឃើញទេប្តីសម្លាញ់អូនអើយ! ពេលបងឈឺដេកដូចពេលនេះ អូនជាប្រពន្ធដើរខ្ចីលុយ ចងការគេ ចងការធនាគារដើម្បីមើលជំងឺបង គេប្រាប់អូនថា មិនបាច់ព្យាបាលបងអោយអស់លុយច្រើនទេ ទុកលុយមើលកូនទៅ គេនិយាយបែបនេះ មកពីគេមិនស្រលាញ់បង មិនទុកបងសំខាន់ តែប្រពន្ធបងគឺស្រលាញ់បង មិនទុកបងចោលទេ ទោះខឹងណាស់ដែលបងមិនស្តាប់អូន មិនស្រលាញ់អូន និងកូនបន្តិចសោះ.

មិត្តដែលនាំបងផឹកសីុនោះក៏បានមកមើលបងដែរ គេសួរអូនថា ចំណាយមើលបងអស់ប្រហែលប៉ុន្មាន? អូនប្រាប់គេថា ប្រហែល១មឺុនដុល្លារ អូនស្មានថាគេនឹងជួយព្យាបាលបងខ្លះ តែគេគ្រាន់តែយកទឹកដោះគោឆៅមួយយួរមកមើលបង ហើយនិយាយថា “ហឺុ! អានិតណាស់ ទោះមិនអាចជួយជាលុយបាន តែនឹងជួយជាកម្លាំងចិត្ត”.មិត្តបងចិត្តបានណាស់ប្តីសម្លាញ់ តាមពិតអូនមិនត្រូវការកម្លាំងចិត្តទេ អូនត្រូវការលុយដើម្បីមើលជំងឺបង និងកម្លាំងកាយដើម្បីមើលថែបង ហើយនិងកូន.

អូនក៏បានឆាតទៅរកស្រីៗមួយចំនួនដែលបងតែងលួចលាក់ទាក់ទងកម្សាន្តសប្បាយអស់នោះដែរ ដែលកាលពីបងមិនទាន់ឈឺ បងប្រាប់អូនថា ពេលបងខឹងអូន បងតែងទៅបន្ធូអារម្មណ៍ជាមួយនាងៗទាំងនោះ អូនប្រាប់គេថាពេលនេះបងឈឺធ្ងន់ ចង់អោយនាងៗមកជួយមើលថែបង ដើម្បីអូនមានពេលទៅធ្វើការរកលុយ តែបងដឹងថាគេនិយាយថាម៉េចទេ គេថា “ខ្ញុំឆ្កួតមែន? ប្តីខ្លួនឯងសោះ ដើរហៅគេមកជួយមើលថែ គេគ្មានពេលទេ ពេលវេលាគេជាមាសប្រាក់”ចង់ប្រាប់ដល់ប្តីៗផ្សេងៗថា គ្រោះថ្នាក់មើលមិនឃើញទេ កុំប្រលែងជាមួយគ្រោះថ្នាក់ ដែលនាំបញ្ហាពិបាកដល់ខ្លួនឯង និងគ្រួសារ៕ ប្រភព៖ ហ្វេសប៊ុក

ជួយស៊ែអោយគ្រប់គ្នាបានដឹងផង!! ប្រភេទឬស្សី កម្រមាន សឹងតែ១មុឺនគុម្ពឬស្សីរកមិនបានផង ដោយមានឈ្មួញហ៊ានចំណាយលុយទិញ ក្នុងតម្លៃ..(មានរូបភាព)

ដើមឬស្សី គឺជាដើមដែលមានអត្ថប្រយោជន៍ជាច្រើន ដោយយើងអាចយកវាមកប្រើប្រាស់បានយ៉ាងច្រើនដូចជា យកធ្វើអូសដុត ព្រោះវាងាយនឹងឆេះខ្លាំងណាស់, យកវាទៅផ្ទះ តុ ទូរ កៅអី និងរបស់ផ្សេងៗទៀតបានយ៉ាងច្រើន មិនត្រឹមតែប៉ុណ្ណោះ ឬស្សីក៍គេអាចយកវាទៅធ្វើជាឧបករណ៍សំរាប់លេងភ្លេងផងដែរ ដែលឧបករណ៍លេងភ្លេងរបស់ខ្មែរយើង ភាគច្រើនក៍ធ្វើចេញពីឬស្សីផងដែរ។ទោះបីជាដើមឬស្សីវាមានផលប្រយោជន៍ច្រើនយ៉ាងណាក៍ដោយ តែបើគិតពីតំលៃវិញគឺមិនសូវជាថ្លៃប៉ុន្មាននោះ ព្រោះវាសំបូរខ្លាំងណាស់។

ដោយឡែកឬស្សីម្យ៉ាងដែលមានរូបរាងជាលក្ខណះដុះស្នែងបែបនេះគឺមានតំលៃថ្លៃខ្លាំងណាស់ ព្រោះវាជារបស់ដែលកម្រ និងមិនងាយបានជួបប្រទះឬស្សីបែបនេះទេ។ដោយឡែក តាមរយៈគណនីហ្វេសប៊ុកផេកឈ្មោះ Panha បានធ្វើការប្រកាសរកទិញប្រភេទឬស្សីដ៏កម្រទាំងនេះ ដោយមានការរៀបរាប់យ៉ាងដូច្នេះថា៖ «ផេកយេីងខ្ញុំសូមប្រកាស បើបងប្អូន

មានឬស្សីប្រភេទនេះ ខ្ញុំទិញក្នុងតម្លៃចាប់ពី 5000$ ដល់ 25000$ តាមទំហំតូច ឬក៏ធំក្នុង១កង់ ទិញពិតតម្លៃពិតដូចដែរបានប្រកាស បេីមានសូមបងប្អូនខលមកលេខនេះ096 4444 160 (Smart) 092 7878 50 (Cellcard) ឬថតរូបចូលប្រអប់សារ (ទិញតែរបស់ធម្មជាតិ មិនទិញរបស់កាត់តទេ)»។ម្ចាស់គណនីហ្វេសបុកផេកមួយនេះ បានបញ្ជាក់បន្ថែមទៀតថា៖ «សួរស្ដីបងៗទាំងអស់គ្នា ។ ខ្ញុំមេីលឃេីញថា បងៗ១ចំនួនគាត់បានសូវ យល់ច្បាស់ពីឬស្សីនេះ ដែរឬស្សីជាប្រភេទឬស្សី កម្រមាន សឹងតែ១មឺនគុម្ពឬស្សីរក

មិនបានផង។ នេះហេីយជាគុណតំម្លៃដែរយេីងខ្ញុំហ៊ានចំណាយលុយ សំរាប់យកទៅក្រៅស្រុក។ដែលទាំងអ្នកចេះតែគំនិតថា គេបោក!! រាល់ឬស្សីដែលក្រុមហ៊ុនយេីងជៀវ មុនហ្នឹងជៀវយេីងត្រូវយកឬស្សីនោះទៅ ស្គេននៅពេទ្យធំដេីម្បីបញ្ចាក់ថា ឬស្សីនោះមានស្នាមត ឬបឹតកាវឬអត់។ មិនមែនកំណេីប តែចេះជៀវដោយមេីលហ្នឹងភ្នែកទទេ ទេ (១០០ភាគរយគឺគេតេសបែបនេះ មែនអោយតែឃេីញថាត្រូវ ទិញ ឆ្កុយៗនោះទេ)»។

ជួយស៊ែរបន្តផង! មិនជឿកុំប្រមាថ! ម៉ែយកជេីងកូរទឹកនេះ​ គឺពិតជាស័ក្តិសិទ្ធខ្លាំងណាស់ ព្រោះកុំភ្លេចថាម៉ែជា…

ប្រិយមិត្តច្បាស់ជាបានជ្រាបច្បាស់ហើយថា ម្តាយឪពុកគឺជាព្រះរស់ដែលមានគុណធំមិនអាចនឹងគណនាបាន។ ចាស់ៗតាំងពីបុរាណតែងតែប្រៀនប្រដៅក្មេងៗឲ្យចេះគោរពស្រឡាញ់ឪពុកម្តាយខ្លួន តាមរយៈការស្តាប់បង្គាប់ គោរពស្រឡាញ់ពួកគាត់គប្បីខានឡើយ ដោយខែបុណ្យខែទានគួរតែធ្វើបុណ្យជាមួយព្រះរស់នៅឯផ្ទះជាមុន

ពោលគឺឪពុកម្តាយរបស់យើងនេះ​​ឯង។ ជាក់ស្តែង តាមរយៈការចែករំលែង និងបង្ហោះរូបភាពពីរសន្លឹកតៗគ្នាដោយឃើញមានបុរសម្នាក់កំពុងតែទទួលទឹកមន្ត ដើម្បីសុំទទួលពរជ័យក្តីសុខសប្បាយពីម្តាយរបស់ខ្លួនដែលមានការដាក់ទឹកមួយធុង និងអ្នកម្តាយមានកាន់នូវធូបពីរទៅបីសរសៃផងដែរ។

ដែលនេះបានបញ្ជាក់ឲ្យកូនខ្មែរ កុំភ្លេច និងចងចាំជានិច្ចនូវព្រះរស់់់ដែលខំចិញ្ចឹមបីបាច់យើងតាំងពីបាទជើងក្រហម ហើយការស្រោចទឹកលើករាសីពីអ្នកមានគុណនេះគឺពិតជាពិសេស និងស័ក្តិសិទ្ធលើសពីនរណាៗទាំងអស់ នេះបើតាមចាស់ដំណាលតៗគ្នារៀងមក ហើយក៏ឃើញមានពិតដូចច្នេះមែនរហូតមកដល់សព្វថ្ងៃ។ (អត្ថបទដោយ៖ វឌ្ឍនា)