ប្លែកទៀតហើយ!! ស្ងាត់ៗ យាយ យ៉យ លេងឈុតកូនក្រមុំ ស្អាតកប់តែម្ដង…(មានរូបភាពច្រើន)

ក្រោយពីមានដំណឹងលេចឭជាច្រើន ពីការផ្ដាច់ពាក្យជាមួយនឹងគូដណ្ដឹង របស់ពិធីករ និងជាតារាសម្ដែងប្រុស ដ៏មានប្រជាប្រិយភាព នាយ ព្រែក ដែលជាកូនរបស់យាយ យ៉យនោះ បានធ្វើឲ្យបណ្ដាអ្នកគាំទ្រមានការភ្ញាក់ផ្អើលយ៉ាងខ្លាំង ជាមួយនឹងរឿងដែលនឹកស្មានមិនដល់នេះ។ប៉ុន្តែមិនថាយ៉ាងណា ងាកមកថ្មីៗនេះវិញ នាយ ព្រែក ក៏បានធ្វើឲ្យអ្នកលេង

បណ្តាញសង្គមជាច្រើន មានការចាប់អារម្មណ៍ផងដែរ បន្ទាប់ពីរូបលោកបានបង្ហោះចែកចាយរូបភាពប៉ុន្មានសន្លឹករបស់ម្តាយនាយ គ្រងនូវឈុតកូនក្រមុំពណ៌.ស យ៉ាងស្រស់ស្អាតប្លែកតែម្តង។ទន្ទឹមនឹងនេះ គេសង្កេតឃើញថា ក៏មានបណ្ដាអ្នកគាំទ្រជាច្រើន បានលាន់មាត់សរសើរទៅកាន់យាយ យ៉យ ជាហូរហែផងដែរ។ ព្រោះថ្វីបើគាត់មានវ័យចំណាស់ក៏ពិតមែន ប៉ុន្តែនៅពេលដែលគ្រងនូវឈុតបែបនេះ គឺថាសម្រស់មិនចាញ់ក្មេងៗក្រមុំប៉ុន្មាននោះឡើយ។ ម្យ៉ាងក៏ព្រោះថា កន្លងមកតារាស្រីជើងចាស់រូបនេះ មហាជនធ្លាប់តែឃើញ

គាត់គ្រងនូវឈុតបែបប្រពៃណីតែប៉ុណ្ណោះ។គេមិនដឹងច្បាស់ទេថា លោកយាយ យ៉យ គ្រងនូវឈុតបែបនេះ ក្នុងគោលបំណងអ្វីនោះទេ។គួរឲ្យដឹងផងដែរថា មកទល់នឹងពេលនេះ នាយ ព្រែក កូនប្រុសយាយ យ៉យ ក៏មិនទាន់បានស្រាយបញ្ជាក់ ជុំវិញនឹងទំនាក់ទំនងដែលលេចឮថា លោកបានផ្តាច់ពាក្យជាមួយនឹងគូដណ្ដឹងនៅឡើយនោះដែរ៕